himbing

antagal na...
akala ko madali lang maging masaya

ngunit mas madali ang magpanggap
mas madali maging bulag

antagal nang nagtatago
...sa sariling anino
...sa kasiyahan ng iba
...sa huwad na pag asa

mababaw lang ako
tanggap na ang pagkatalo

pinagbigyan lang ako
ayokong umabuso

nais kong managinip
at habulin ang mga bituin
walang katuturan ang paggising
sanay' manatiling nahihimbing

once upon a dream

tatlong gabi na akong binabagabag ng iisang panaginip. panaginip na hindi pwedeng istimahin.

ayoko mang isipin, namimilit ang nahihimbing na diwa. kase mas meron syang napapala. parang nananadya. parang namimikon.

minsan, gusto ko nang sabihin sa sarili ko, "hay naku, bravo, itigil ang pagiging malisyoso!"

itutulog ko na nga lang ito....